Coronavirus ikomeje guhangayikisha isi yose n’u Rwanda rudasigaye, aho kuri iki cyumweru tariki 29 Werurwe 2020, Minisiteri y’Ubuzima yatangaje ko habonetse abandi bantu 10 bagaragayeho ibimenyetso bya COVID 19, bikaba byatumya imibare y’abanduye iki cyorezo mu Rwanda izamuka ikagera ku bantu 70.
MINISANTE yashimangiye ko abantu batandatu baturutse Dubai, abandi babiri bavuye muri Africa y’Epfo, undi yavuye muri Nigeria, n’undi umwe wakoze ingendo mu bihugu bitandukanye byo muri Africa y’Iburasirazuba.
Minisiteri y’Ubuzima ivuga ko bariya bantu batarembye, bakaba bari mu kato.
Nk’uko tubikesha urubuga Worldometer, mu mibare yo kuri iki cyumweru tariki 29 Werurwe 2020 rwashyize hanze, ku isi COVID-19 imaze gufata abantu 719,414, ikaba imaze guhitana abagera ku 33,901, abavuwe bagakira ni 150,918.
NIKUZE NKUSI Diane
